Meghalaya: National Games 2022 Mascot atan Clouded Leopard

Meghalaya in an thlen tur National Games 2022-a mascot atan Meghalaya State animal, Clouded Leopard chu thlan a ni.

National Games 2022 hi Meghalaya state kum 50-na nen a inrual chiah dawn a, mascot atana state animal thlanna hi National Games 2022 executive committee meeting chuan neiin, Meghalaya Sports and Youth Affairs Minister Banteidor Lyngdoh chuan meeting hi a kaihruai a ni.

Clouded leopard hi Garo, Khasi leh Jaintia Hills-ah te hmuh tur a awm nia sawiin Lyngdoh chuan Information and Public Relations department leh Education Department ṭang­kawpte chuan National Games logo leh theme insiam siakna an buatsaih dawn tih a sawi.

National Games neihna atan hian Mawdiangdiang-a ram acre 50-a zauah stadium sak a ni dawn bawk.

Meghalaya hi hmarchhak state zinga Northeast Games thleng tur pathumna an ni a, Manipur (1999) leh Assam (2007)-te chuan an thleng tawh bawk a ni.