Meghalaya: CM-in CM Connect Programme hnuaiah North, East Garo Hills-a chengte a kawm

Meghalaya chief minister Conrad K Sangma chuan Inrinni khan North Garo Hills-a Adokgre C&RD block hnuaia Memilam leh a bul hnaia khaw hrang hranga chengte chu CM Connect programme hnuaiah a kawm. Chief Minister chuan tualchhung mipui harsatnate ngaihthlak sakin, hmalak dan tur an rel bawk a ni.

CM Sangma chuan a social media X-ah thuchhuah siamin, CM Connect chu sorkar leh mipui inkara thawh hona leh inbiakpawhna ṭha awm theihna tura ruahman a ni tih a tarlang. Hei bakah sorkarin mipui a dah pawimawh hmasak ber avangin khawtlang mipui an tel tam a pawimawh tih sawiin, thawh hona ṭha neih leh inpumkhatna a ngaih pawimawh thu a sawi bawk.

Sangma hian East leh North Garo Hills-a khaw hrang hrang a tlawh bawk a, mipuite nen inkawmhona an neih bakah, an thlawpna avangin lawmthu a hrilh bawk a ni.