Ayodhya-ah Diyas nuai 30 chuang chhi

Uttar Pradesh-a Ayodhya-ah Deepotsav festival vawi 10-na ropui taka hman a ni a, a lawmna atan meichher diyas nuai 30 chuang chu Saryu lui kama Ram Ki Paidi ghat-ah an chhi eng a ni.

Festival lawmna hun hi vice president CP Radhakrishnan, Uttar Pradesh governor Anandiben Patel leh chief minister Yogi Adityanath bakah sakhaw puithiam tam takin an hmanpui a ni. He hun hman hma hian exhibition buatsaih a ni bawk a, kum 500 chhunga Ayodhya chanchinte pholan niin, hei bakah Ram Janmabhoomi movement leh khawpui infrastructure hmasawnna hrang hrangte tarlan a ni bawk.

Saryu lui kama meichher nuai 30 chuang chhit a nih theihna tur hian volunteer sang tel inpein, ni tam tak chhung an thawk a ni. Festival chhunga tlawhtu an tam avangin venhim hna thawk turin police pawh 2,500 chuan dah an ni bawk.