Awadhe Warriors-in semifinal inhlangkai

Premier Badminton League (PBL) khelh mekah Saina Nehwal-i khelhna Awadhe Warriors chuan Thawhṭan zan khan Chennai Smashers chu 4-1 in an hneh a, point 17 hmuin semifinal-a inhlangkai hmasa ber an ni.

Gachibowli Indoor Stadium, Hydera-bad-a inkhelah Awadhe Warriors leh Chennai Smashers an inhnehtawk hle a, match hmasa paliah vawi hnih ve ve hnehna changin a hnung berah mixed double khelh a ni.

Trump Match-ah hian Warriors tan Bodin Issara leh Christinna Pedersen te
ṭang dun chuan 15-7, 15-10 in Chris Adcock leh Pia Zebadiah te ṭang dun lakah hnehna an chang a ni. Trump Match-ah hian a chak lamin point hnih an hmu ṭhin a, a chak lo lam point khat paih sak ṭhin an ni thung.

Inkhel dangah Mumbai Rockets chuan Hyderabad Hunters lakah 4-1 in hnehna an chang ve bawk a, point 13 hmuin table-ah palina dinhmun an luah a, semifinal an la beisei zel.

Gachibowli Indoor Stadium-ah Hyderabad Hunters in an league match hnuhnung berah hnehna an chan zawh loh leh tak avangin point 11 hmuin semifinal an tling lo chiang tawh thung.

Zanin hian Bengaluru-ah PBL league match hnuhnung pahnih khelh tur a ni dawn a, table-a pahnihna dinhmun luahtu Delhi Acers leh Mumbai Rockets an inhmachhawn ang. Inkhel hnuhnung zawkah semifinal beiseina nei tawh lo table mawngphaha awm Bengaluru Topguns leh Chennai Smashers an inhmachhawn bawk ang.

Inkhel Thlirna Tawi

Category Mumbai Rockets Hyderabad Hunters Points

Women’s Single Liuz Di Supanida Kathetong 15-13, 14-15, 14-15

Men’s Double Chayut Triyachart Carsten Mogensen 7-15, 14-15

Vladimir Ivanov Markos Kido

Men’s Single HS Prannoy Parupalli Kashyap 15-11, 15-13

Men’s Single RMV Gurusaidutt Siril Verma 15-12, 15-4

Mixed Double Vladimir Ivanov Markos Kido 15-8, 15-8

Kamilla Juhl Jwala Gutta

Category Awadhe Warriors Chennai Smashers Points

Men's Single S. Tanongsak Brice Leverdez 13-15, 9-15

Men's Single B. Sai Praneeth Sony Dwi Kuncoro 12-15, 15-8, 15-13

Men's Double Can Yun Pranav Chopra 15-13, 15-11

Hendra Gunawan Toby Ng

Women's Single Vrushali P.V. Sindhu 7-15, 3-15

Mixed Double Bodin Issara Chris Adcock 15-7, 15-10

Christinna Pia Zebadiah