Mizoram State Commission for Women (MSCW) leh National Commission for Women (NCW), New Delhi 

ṭangkawp chuan nimin khan Synod conference centre-ah hmeichhiate humhimna dan zirhona Legal Awareness Programmes on Laws Related to Women an buatsaih a, Assembly speaker Lalrinliana Sailo-in 

a hmanpui.

Workshop hi MSCW chairperson Lallawmchhungi'n kaihruaiin, Lalrinliana Sailo chuan India ram danpui-in a sawi angin hmeichhiate zalenna zah sak leh zahawmna humhim chu tih makmawh a nih thu sawiin, "Sorkar hmalaknaah leh a theihna apiangah ngaih pawimawh a ni 

ṭhin a, chutih rual chuan hmeichhiate chawikanna kawngah tihtur tam tak a la awm," a ti. 

Hmeichhiate din­hmun chungchangah Mizo nunphunga bet tlat  mipa zawng zawng deuhthawin  kan la ken si a la awm tih sawiin Speaker chuan, "Tun dinhmunah chuan rilru thar put a ngai lehzual a ni," a ti a, hmei­chhiate zahawmna vawng theitu chu mipate an nih thu a sawi.

Khualzahawm IPR director Lallianpuii chuan, "MSCW in hmeichhia­te tana dan awm hrang hrang zirtirna hun ṭha tak a buatsaih hi a lawmawm hle. Dan hrang hrang zirtur atana mithiamte’n an chhawpchhuah hi ṭangkai taka zir a nih theihnan kalkhawmte duhsakna ka hlan a ni," a ti.

Workshop-ah hian hockey player Lalremsiami, footballer Grace Lalrampari leh naupang huaisen Caroline Malsawmtluangi te hnenah chawimawina hlan a ni.

Share this Post