World coach of the year-ah Enrique

Barcelona coach Luis Enrique-a'n 2015-ah nomawi chawi theih zawng zawng a team-te a chawipui a, mimal chawimawinain a umzui nghal. Spanish manager hi World coach of the year 2015 atan thlan a ni.

Player a nih laia Real Madrid leh Barcelona tana khel kawp thei Enrique hian he chawi-mawina dawng tur hian Bayern Munich manager Pep Guardiola leh Chile coach Jorge Sampaoli-te a khum a, vote 31.08% a hmu.

Kum 45-a upa ma-nager hnuai chiahah hian Guardiola a awm a, vote 22.97% hmuin Chile manager Sampaoli-a'n vote 9.47% a hmu thung. Enrique hian 2014-15 season-ah Barcelona hi champion nomawi panga chawipuiin La Liga, Spanish Cup, Champions League, UEFA Super Cup leh FIFA Club World Cup-ah te a champion pui.

Pahnihna Barcelona manager hlui Guardiola hian Bayern Munich chu season hmasa khan Bundesliga-ah a champion pui a, Argentine manager Sampaoli-a'n Chile ram chanchina a vawi khat nan Chile chu Copa America nomawi a chawipui thung.