Govt. T Romana College (Health Cell leh Equal Opportunity Cell), RUSA, National Service Scheme (NSS) leh Students’ Support, Progression & Placement Cell chuan nimin khan Govt. T Romana College-ah 'First Aid Training and Awareness Campaign on Drug Abuse' an buatsaih a, Higher & Technical Education (HTE) minister Dr R Lalthangliana'n a hman pui.

Dr R Lalthangliana  chuan zirlai kalkhawmte fuihna thu sawiin, "Ai­zawl khawpui chhunga college hmun leh zirtirtu nei ṭha berte zinga mi in ni a, college chhungah Aizawl khawpui zirlaite leh thingtlang aṭanga lo kal zirlaite tan zirtirna an dawn dan a inang reng. Thiamna duh tak taka zirlaia rilru pete tan hun remchang a inhawng dawn," a ti.

HTE Minister chuan zirlaite chu rilru leh taksa hriselna uluk tura chahin, "Malsawmna leh chhiat vekna hi keimahniah ṭheuh hian a awm vek a, khawi zawk hi nge kan thlan dawn tih mahni 

ṭheuh i inzawt fo ṭhin ang u. Dam rei tur chuan nun uluk a ngai," a ti a; mithiam tak an thiamna pawh Mizoram tana 

ṭangkai tak tur pawh ni se an nun a tawi chuan an thiamna khan awmzia a neih loh thu a sawi.

Training-ah hian Govt. Mamawii HSS vice principal H Ngurthansanga, district education & media officer Chawngthankima leh Aizawl Civil Hospital-a medical officer Dr Lalramsangate'n first aid chungchang leh ruihhlo hmansual laka inven dan tur zirlaite an zirtir a ni.

Share this Post