Tripura refugee camp-a Bru chungchangah thu la hmu lo

Home department hotute chuan Vanglaini palai zawhna chhangin, Tripura refugee camp-a Bru-te chungchangah sorkar laipui aṭangin thu thar an la dawn loh thu an sawi a, "Mizoram sorkar chuan sorkar laipui thu a ngaichâng mek a ni," an ti.

Hetihlai hian vawiina Bru lak let chungchang Delhi-a sawiho tura ruahmanna awm chu Mizoram sorkar aiawhte an remchan loh avangin January 7 ah sawn a ni. Thudawn danin, Ministry of Home Affairs chuan Tripura refugee camp paruka awm Bru ho chungchang sawiho turin Mizoram sorkar aiawhte hi a ko a ni.

Sawihonaah hian Home Ministry hotute bakah Mizoram sorkar leh Tripura sorkar aiawhte an tel dawn a, Bru aiawhte chu sawm an ni ve lo thung. Mizoram aiawh hian Home department changtu chief secretary Lalmalsawma leh addl. secretary Lalbiakzama te an kal rin a ni.

Bru laklet chung-changa thubuai lut chu Supreme Court chuan nikum kum tawp lam khan a lo titawp tawh a ni.