KHAWTHLIR

BJP President

BJP Mizoram Pradesh chuan nimin khan Ramhlun Indoor Stadium-ah Election Meeting an nei a, BJP Mizoram state president atan Dr JV Hluna tlinga puan a ni. Election meeting hi returning officer Lal-hmingthanga leh, Central BJP aṭangin national spokeperson Nalin Kohli leh coordinator (NE) Ranjit Majumdar ten an hmanpui a ni.

Sikhar man

Nimin zing khan East Lung-dar branch MHIP
chuan an khuaa dawr hrang hrang dap kualin, Sikhar Rs. 5,000 hu vel an man. Sikhar an mante hi YMA Rûn kawtah V/C, YMA leh VDP-te hriatpuiin an hâl ral nghal a ni.

Kohhran thar

Aizawla Bethlehem Presbyterian Kohhran
aṭangin January 3, 2015 khan Bethlehem North Presbyterian Kohhran an indang. Bethlehem North Presbyterian Kohhran hi kohhran puitling a la ni lo a, preaching station a ni rih ang a; Pathianni chaw-hma sunday school
aṭangin an inkhawm hrang ṭan a ni.

Heroin man

Central YMA hnuaia SRS duty-te chuan January 3, 2016 khan Lalzawmthangi, Zawlzau, Zemabawk leh Lalthansanga, Tuirial Airfield nia insawite hnen aṭang-in heroin hawng hnih leh can riat an man. Heroin an mante hi tualchhunga
hralhna angin Rs. 1,30,250 hû a ni.