Fullkrug dinhmun a chiang lo

Nipui transfer bazar a zo a, international break a zawh leh hnuah European football thlir leh tur a awm dawn ta. Nizan khan Bundesliga champion lai Bayern Munich leh Bayer Leverkusen te an inkhel a, zanin dar 7:00 hian Bayern elpui Borussia Dortmund-in Freiburg an tlawh ang.

Dortmund hian nikum Bundesliga top scorer Niclas Fullkrug an lalut a, Germany international Fullkrug hi a club thar tan bench aṭangin lut nghal mah se goal a la khung lo.

Inhliam vangin Fullkrug hi ram tan koh a ni lo zui a, tunah erawh training a zawm leh tawh. Europa-Park-Stadion-a Dortmund leh Freiburg inkhelh hunah Fullkurg hi en châkawm zinga mi a ni a, a inlan dawn em tih a la chiang lo thung.

Dortmund hi Champions League-ah PSG, Milan leh Newcastle United te nen an awm ho a; September 19, Thawhlehni zan hian PSG an tlawh dawn. UCL-ah pressure an ngah sa tawh avangin pressure tih tlem nan Bundesliga lama chak hi a pawimawh hle.