Aizawl West Derby-ah Kanan an chungnung

Aizawl DFA hnuaia First Division inelnaah nimin khan Kanan FC leh Dinthar FC ten Aizawl West Derby an khel a, Kanan FC 5-1 in an chak.

MPL champion hmasa ber Dinthar FC hian inkhelh ṭantirh lam an thunun a, chance ṭha an hlah hnem an tuar. Kananin hun ṭha an bawhpelh lo a, an keeper hnawhchhuah vangin player 10-in khel mah se hun a tawp meuh chuan 5-1 in an chak.

Inkhel dangah Bethlehem Vengthlangin harsatna nei loin Tanhril 3-0 in an hneh. Mission Veng leh Ramthar inkhel boruak a nung hle. Goal ruk ngawt luhna inkhelah player pathum an hnawt chhuak a, Mission Veng 4-2 in an vannei ta zawk.