Mizoram Governor leh ICFAI University hotute an inkâwm

ICFAI University, Mizoram vice chancellor thar Dr Bijay Singh leh registrar Dr David Lawmzuala te chuan nimin khan Raj Bhavan-ah Governor Dr Hari Babu Kambhampati an kâwm a, ICFAI University an kalpui dan leh an hmachhawpte an sawipui.

Governor chuan, ICFAI University, Mizoram-in zirlai (course) hrang hrang an zirtir mekte chu ṭha a tih thu sawiin, "Skill development leh vocational education huangahte ṭan lak a ngai a, in zirlaite hnenah state páwn lama hna hmuh theihna tur thiamna zirtir ang che u," a ti a; ICFAI-in hma a sawn zel theih nan ṭanpui a inpeih reng thu a sawi.

ICFAI University, Mizoramah course chi hrang 12 a awm a, zirlai 630 an awm mek a ni.