Blues-in £58m-in Lavia an la lut

Chelsea chuan Southampton aṭangin Belgium midfielder Romeo Lavia chu pound maktaduai 53-in an lalut a, a chet ṭhat dan a zirin pound maktaduai ngain a la pung thei ang.

Kum 19 mi Lavia hian season liam ta khan Saints tan match 34 a khel a, Premier League-a cham zel turin a chhan thei ta bik lo.

Lavia hi Liverpool pawhin lak an tum a, Reds hian tun thla tir khan a ṭum thum nan £46m-in lei dil mah se Saints-in an hnawlsak. Jurgen Klopp-a hote hian Blues lakah hian Moises Caicedo an chan bawk.

Belgian midfielder Lavia hi Anderlecht youth system chhuak a ni a, Pep Guardiola-a'n Belgium-a inelna aṭanga a hmuh fuh hnuah kum 2020 khan Manchester City a zawm. City tan Lavia hian ṭum hnih a khel hman a, khelhna hmun a chan phak loh avangin July 2022 khan pound maktaduai 10.5-in Saints hi a zawm a ni.