Hollywood Flashback: ‘Enter the Dragon’

Bruce Lee channa 'Enter The Dragon' film chu vawiin hi US-a tihchhuah a nih aṭanga a kum 50-na champha a ni.

He film hi khawvel huapin a hlawhtling rem rem hle. Mahse a changtu, Bruce Lee hian a film tlangzarh leh, a hlawhtlin chho dan hi a hre ve hman ta lo.

Bruce Lee hi kum 32 chauh niin, kum 1973 July 20 khan a thi. A thih hnu, August 19, 1973 khan 'Enter the Dragon' hi US-a Los Angeles theatre-ah tlangzarh a ni. Chinese film company (Golden Harvest/Concord) leh Hollywood studio (Warner Brothers) thawkdunin an film siam hmasak ber a ni a, budget hi USD 4,50,000 vel niin associate producer Andre Morgan chuan a sawi. Mahse khawvel huapa a sum lakluh hi USD mtd 400 zet a tling thung.

Kum 2004 khan he film hi US Library of Congress-a National Film Registry-ah ziahluh a ni a, kum 2013-a The Guardian leh Obsrver-in critics-te ngaihdan a lakah khawvela martial arts film ṭha berah an puang bawk. Tun thlengin action film huhang ngah ber zingah chhiar tel a la ni reng a, martial arts-in ngaihven a hlawh zual phahna pakhat a ni.