Ramrî-ah buaina a awm zui lo

Lailapur chhak, Mizoram leh Assam state-in ram an inchuh laia Assam Forest department-in in an sak vanga July 6, 2019 (Inrinni)-a buaina tênau a chhuah hnuah, Pathianni leh Thawhṭanni lamah chuan boruak a reh zel rih.

Vairengte aṭanga thu dawn danin, Assam Forest department-in in an sak chu CRPF-in an véng a, Assam Forest department-a thawkte pawh an awm ve reng a ni. Inah hian bungraw 

ṭhenkhat pawh lak luh a ni a, office ang taka kalpui erawh a la ni lo.

Tarlan tawh angin, Mizoram leh Assam inrina, square mile 509 huam chhung, state pahnih remtihna loa hmalak phal lohna hmun, Lailapur chhakah Assam Forest department chuan in awm sa an chei ṭhat avangin July 6, 2019 khan buaina tênau a chhuak a ni.



Share this Post

Login to comment
No Comments