Hall sak tur lungphùm phúm

Deputy chief minister Tawnluia chuan nimin khan a bial chhunga Khawzawl Zuchhipah Multipurpose Community Hall sak tur lungphùm a phúm. Hall hi cheng nuai 441 séngin Zothan Consultancy Services, Luangmual, Aizawlin an sa dawn a ni.

Tawnluia chuan, sorkarin khawtlang tana thil ṭangkai a ngai pawimawh tih sawiin, "Hall sak hi duhin kan ngaihtuahnaah awm ṭhin mah se, sum harsatna vangin duh anga hmalak chak a har hle. Project estimate leh DPR-te siam a nih hnuah Chief Minister-in SASCE aṭangin hall sakna tur min pe a ni," a ti a; hall satu tur zawn nan tender chhuah a nih thu a sawi.

Hall sak tur hi chhawng thum a ni dawn a, hall bakah dawr, lirthei dahna, table tennis hall, committee room, library leh recreation room-te a awm dawn a ni.