Hnahthial BDO diamond jubilee lawm

Hnahthial Rural Develop-ment Block chuan nimin khan Hnahthial RD pisa tualah BDO an nih kum 60-na, diamond jubilee an lawm a, khuallian Rural Development minister Lalruatkima'n Hnahthial DRDO pisa thar a hawng.

Hnahthial DRDO pisa hi cheng nuai 169.68 sêngin September 11, 2021-ah sak ṭan niin, June 24, 2023-ah sak zawh a ni a, Project Director hoin thawktu mi 17 an awm a ni.

RD Minister chuan, DRDA office ni ṭhin chu sorkar laipuiin state sorkar mawhphurhnaah a dah tâk avangin DRDO-ah leh a ni tih sawiin, "District hrang hrangah DRDA office-a thawktu awm sate a theih ang anga absorb an ni," a ti a; a enkawl department pathum zingah Hnahthial district tana Revenue lam hma la turin settlement officer leh surveyor pakhat ve ve dah a nih thu a sawi.