Chhawmdawlna hlân

Mizoram Govt. Ad hoc Aided High School Teachers' Association (MIGAHTA) chuan Manipur tualchhung buaina vanga sahimna zawnga Mizorama awmte chhawm­dawlnaa a ṭul apianga hman atan nimin khan Central YMA hnenah Rs 50,000 an hlân.

MIGAHTA president R Lalzirliana chuan, Mizoram khaw hrang hrangah ad hoc aided school-te'n hmun hrang hrang aṭanga ráltlân naupangte an sikulah an luhtir tam thu leh an lainat thu a sawi.