Lunglei DC leh councillor-te inkâwm

Lunglei district bawrhsap Ramdinliani chuan nimin khan DC conference hall-ah Lunglei Municipal Council (LMC) councillor-te a kâwm a; Lungleia bûkna dik lo tam lutuk tireh tura hmalakpuiah a sáwm.

Ramdinliani chuan, LMC councillor-te chu Lunglei khawpuia faina leh thianghlimna kawngah nasa taka ṭan la turin a chah a, "Lungleiah bûkna dik lo a tam em em a, hei hi tireh tura hmalak a ngai. Councillor-te pawh hemi kawngah hian nasa taka ṭan la turin ka sáwm che u a ni, " a ti.

LMC councillor-te hi chairman Lalzuithanga'n a ho a; councillor-te chuan, an ward chhunga harsatna hrang hrang awmte Bawrhsap hnenah an thlen a, hmalakpui turin an ngen a ni.

Inkawmhonaah hian Lunglei additional DC Donny Lalruatsanga pawhin thu a sawi a, Lunglei SDC Lalramenga'n sorkar department hrang hrang hmalaknate a tarlang.

Ṭhutkhawma tarlan danin, Lunglei district-a khua (VC) 131-ah kum 2022-23 chhungin Mahatma Gandhi National Rural Employment Guarantee Act hnuaiah job card nei 32,363 an awm a, inhlawhna ni 100 siam a ni.