Chhandamna Kohhran-in pawi an ti

Chhandamna Kohhran chuan thuchhuah siamin, tun hnaia Manipur-a chi leh chi inkara buaina chu pawi an tih thu leh Uniform Civil Code (UCC) hmang tura sorkar laipuiin ruahmanna a neih mek chu ṭha an tih loh thu an tarlang.

Manipur buaina vanga biak-in tam tak tihchhiat a ni leh mi tam tak an thih phah chu lung­chhiatthlak an tih thu tarlangin Chhandamna Kohhran chuan, "Nunna chán leh hliamte kan tawrhpui tak zet. Sakhaw zalenna rama hnam tênau zawkte diriamna leh an hmun thianghlim thlenga tihbawrhbànsak an ni fo chu ṭha kan ti lo a, hetiang thil hi thleng nawn tawh lo se kan ti a ni," an ti.

Manipur buaina leh UCC chungchangah July 8, 2023, Inrinni zanah an kohhrante an ṭawngṭai rual dawn thu an tarlang bawk.