ZORO-in punkhawm an huaihawt dawn

Manipur-a Zo hnahthlakte tawrhna an tawrhpuizia lantir nan, mitthite sûn nan leh an thlavang hauh nan Zo Reunification Organisation (ZORO) chuan July 12, 2023 (Nilaini) chhun dar 12-ah Vanapa Hall kawtah punkhawm buatsaih an tum a, tel turin Mizo mipui an sáwm.

ZORO hruaitute nimina ṭhukhawm chuan Manipur tualchhung buainaa Zo hnahthlakte tawrhna leh harsa an tawh chungchang an ngaihtuah a; "Manipur kan unaute tawrhna kan tawrhpuizia leh nunna chánte kan sûn a ni tih lantir ṭha kan ti a, July 12, 2023 (Nilaini) chhun dar 12-ah Vanapa Hall kawtah punkhawm buatsaih kan tum. Zo fa khawvel hmun hrang hranga awmte a tam thei ang ber tel turin kan sáwm a ni," an ti.