Mamitah ICDP hnathawh thlirho

Mamit District Level Coordination Committee (DLCC) chu an chairman VL Remliana, bawrhsap kaihhruaiin tun hnai khan DC conference hall-ah an ṭhukhawm a, Integrated Cooperative Development Project (ICDP) Phase-II hnuaia Mamit district-a hnathawh dan an thlirho.

Ṭhutkhawmah hian hamṭhatna dawngtu tur rawtna, Proposal Beneficiary list 2022-23 thlirho a ni a, tihdanglam ngaite siamṭhat a nih hnuah pawm a ni. ICDP Phase-II hnuaiah hian loan leh subsidy belh khawma sum sem ral tur chu cheng nuai 253.479 a tling.

Mamit district chhung khaw tina kut hnathawktute'n hamṭhatna an dawn theih nan society indin a, DCO Office, Mamitah form la chhuakin, a duh apiang tan inziah luh theih a nih thu an tarlang.

ICDP Phase-II hnuaiah hian sector hrang hrang - Agriculture sector (PACS), marketing, piggery, oil palm, handloom, fisheries, rubber, coffee, lamp, fruits & vegetable lama coope-rative society-te bakah, manpower deve-lopment and training-te a awm mek a ni.