CM-in unity mall sak tumna a enfiah

Chief minister Zoramthanga leh Tourism minister Robert Romawia Royte te chuan nimin zing khan Zuangtui Muanna Venga Supply kudam hman mek hmuna unity mall sak theih dan tur an enfiah a, sorkar official-te'n an ṭawiawm.

Sorkar thu­chhuah tarlan danin, kumin February thlaa Union budget session pharhnaah Finance minister Nirmala Sitharaman chuan state tin khawpui (capital) ṭheuhah unity mall din a nih tur thu a puang a; ram puma state-te tan cheng vbc. 120 chuang ruahman a ni.

Union Finance Minister sawi danin, tourism leh mahni kutkawiha eizawngte hmasawnna tur leh inpum­khatna atan state tin khaw­puiah unity mall din tum a ni a, state tinte an state nihna leh ziaráng pho­chhuak ṭha thei ber tur thil siam/thar chhuah (one district, one product) pho chhuahna atan leh kut themthiamna (handicraft) lam thilte chawi lârna atana tih a ni. State dangte thil siam chhuah pholan tura tih a ni bawk.

Muanna Venga FCSCA kudam hman mek hi Sairang Dintharah sawn tum a ni a, sawn a nih hunah kudam awmna hmunah hian unity mall din a nih theih dan tur Chief Minister hoin an enfiah ta a ni.