Damdawi zuarte fimkhur turin chah

Health & Family Welfare department hnuaia Food & Drugs Administration chuan June 28, Nilaini khan Dawrpui Multipurpose Hall-ah damdawi hmansual chungchanga damdawi zuartute mawhphurhna hrang hrang zirhona an buatsaih a, damdawi zuartute chu fimkhur tura chah an ni.

Zirhona hi HFW deputy director (F&D) F Lallian­tluanga'n a kaihruai a, Aizawl West huam chhunga drugs license (general leh wholesale) neite an tel.

Drugs controller Lalsawma'n thu sawiin, damdawi zuarte chu dan mumal tak hnuaiah phalna neia zuar an ni a, mithiam chawh anga hralh tur an nih thu leh hman sual theih damdawi kawl an nih avangin fimkhur turin a chah a, dan zâwm lo chu hrem zel an nih dawn thu a sawi.

SHALOM director Dr Chawnglungmuana leh Central YMA treasurer Fabian Lalfakawma te pawhin thu an sawi a; dam-dawi man chungchanga sorkar dan siamte MPMRU lam leh PMBI, Guwahati mite'n an sawifiah bawk.