Damdawi-in fai lawmman sem

Damdawi-in fai inelna, Kayakalp hnuaia damdawi-in fai thlante hnenah June 28, Nilaini khan Health minister Dr R Lalthangliana'n Taxation Conference Hall-ah lawmman a sem. District hospital fai berah Siaha District Hospital leh community health centre fai berah Saitual CHC thlan a ni.

Health Minister chuan, Mizoramin hriselna leh thianghlimna lamah hma a sawn zel thu sawiin, "NITI Aayog-in tehna a siam Health Index-ah India rama state tê zingah Mizoram chu kum 2017-18 aṭanga vawiin thlengin pakhatna a la ni," a ti.

Dr R Lalthangliana chuan, kawng tam takah hmasawnna awm mahse HIV/AIDS leh cancer-ah Mizoram dinhmun a chhuanawm loh thu sawiin, ṭan lak nasat a ngai tih hre thar leh turin thawktute a fuih a; hriselna lama hmasawn turin in leh hmanraw ṭha neih a pawimawh rualin, hmangaihna, lainatna leh duhsakna tak tak nena damlote enkawl a pawi­mawh zawk thu a sawi.

Lawmman semnaah hian Health & Family Welfare Board vice chairman Dr ZR Thiam­sanga pawhin thu a sawi a ni.

Health & Family Welfare Ministry chuan sorkar damdawi-in leh a velte fai taka enkawl a nih theih nan Kayakalp kalpuiin, inkaih­hruaina a siam a; India ramah May 15, 2015 khan hawn niin, Mizoramah pawh July 9, 2015-ah hawn a ni. Kalpui a nih ṭan aṭangin sorkar damdawi-inte chu faina lamah an inela, damdawi-in fai thlante hnenah lawmman hlan a ni ṭhin.

Mizorama district hospital fai berah Siaha District Hospital thlan niin, lawm­man Rs 6,00,000 an dawng a, sub-district hospital (SDH) leh community health centre (CHC) fai ber chu Saitual CHC niin, lawmman Rs 5,00,000 an dawng.

Primary health centre (PHC)-ah chuan Mizoram pum huapin lawmman siam a ni lo a, district tinah PHC faite thlan a ni. Pakhatnain Rs 2,00,000, pahnihnain Rs 1,00,000 leh pathumnain Rs 80,000 an dawng a, damdawi-in 20 hnenah commendation award Rs 50,000 pek a ni bawk.

Health & wellness centre leh sub-centre zinga fai lawmman hlan a ni bawk a, pakhatnain Rs 1,00,000 leh p