SASCI-ah vbc. 56,415 ruahman Mizoramin vbc. 399 chang dawn

Ministry of Finance chuan tun hnai khan Special Assistance to States for Capital Investment (SASCI) 2023-24 hnuaiah cheng vbc. 56,415 a pawm a, chuta ṭang chuan Mizoramin cheng vbc. 399 a chang dawn.

SASCI sum cheng vbc. 56,415 chu state 16 hnena pek tur a ni a, chang tam ber Bihar-in cheng vbc. 9,640 an chang dawn a, chang tlem ber Goa-in cheng vbc. 386 an chang dawn. Mizoram chu chang tlem ber pathumna a ni.

SASCI hi loan a ni a, kum 50 chhungin a pung awm loa rulh tur a ni. Hriselna, zirna, tui thianghlim lakna (water supply), kawlphetha, kawng, lei (bridge) leh railway lam kaihhnawiha hman tur a ni.