Remna Ni

Vawiin June 30 hi Remna Ni vawi 38-na a ni a, Mizoram hmun hrang hrangah hman a ni dawn. Aizawlah chuan Vanapa Hall-ah chhun dar 12:30 aṭangin GAD buatsaihin hman a ni dawn a, chief minister Zoramthanga khuallian a ni ang. 

Chief Minister bakah, Mizoram Kohhran Hruaitute Committee aiawh leh NGO Coordination Committee Chairman ten thu an sawi dawn a; Remna Ni puala intihsiak hrang hranga lawmmante sem a ni ang. Zing karah Peace Walk huaihawt a ni dawn a, chawhnuah Lammualah Peace Football Match khelh a ni ang. 

Remna Ni hi district khawpui hrang hrangah hman a ni dawn bawk a, minister-te khuallian an ni ang.

(Thlalak : Remna ziah vanga MNF rammú, Arakan aṭanga hawte Aizawl leh khaw hrang hrangah ropui taka hmuah an ni)