Sorkarin ṭan a la nasa - MNF Corporator

MNF party chuan nimin khan MIzo Hnam Runah inkhawm an nei a, AMC corporator Chuauzikpuii'n thu sawiin, "Tuna sorkar hian theihtawpin hmasawnna kawngah ṭan a la nasa em em a, hma pawh a la chhunzawm zel dawn a ni," a ti.

Chuauzikpuii chuan, "Congress sorkara gas leh buhfai harsa em em ṭhin kha tunah chuan kan kawtkaiah gas hnianghnar zawkin min pe ta. Kawngpui chhe zualpui siamṭhat a ni a, tuna a chhe lai kan tihte pawh hi siamṭhat tura hmalak mek a ni," a ti a; Chief Minister, minister leh MLA-te an ṭhu thluang mai mai lo tih a lang chiang niin a sawi.