Khawl hmanga buh phunna hmanrua sem

Champhai district bawrhsap James Lalrinchhana chuan nimin han Champhai Zotlangah District Agriculture Office bultumin loneitute hnenah khawl hmanga buh phunna tur hmanrua chi hrang hrang, buh chi kuina tur - tray, leveler, frame leh seeder a sem.

Hmanruate hi zàu hrang hrangah sem niin Phaizau zauah 1,400, Luangdarh zauah 600, Zote Ṭiau zau I-ah 225, Zote Ṭiau zau II-ah 300, Mualbuhbum zauah 250, Thingmaldin zauah 400, Pumphir zau Farkawnah 200 leh Saikhumphai zau Vaphaiah 350-te a ni a, loneitu hnathawk ṭha mi panga thlan chhuahte hnenah an pe nghal. Hmanrua bakah hian loneitute hnenah Rs 7,80,000 sem chhuah a ni bawk.