ECI hotute nen Mizoram inthlanpui inbuatsaihna endik

Election Commission of India (ECI) senior election commissioner Dharmendra Sharma leh a team-te chuan nimin khan Secretariat conference hall-ah district 11-a district election officer (DEO) leh superintendent of police (SP)-te nen Mizoram inthlanpui lo awm tura inbuatsaihna hrang hrangte an endik.

Dharmendra Dharma chuan, ECI-in a duh ber chu inthlanna felfai leh thianghlim tak neih a nih thu a sawi a, "Vote nei zawng zawngte vote thlak tura fuih bakah, ralmuang taka mipuite'n vote an thlak theih nana dan kenkawh kawnga hmalakte chu thil pawimawh hmasa a ni. EVM hmantlak chauh hmang tur leh polling station zawng zawngte'n vote thlakna tura ṭul (facilities) an neih te, sum leh pai uchuak taka hman a nih loh nan te hmalak a ngai," a ti.

Mizoram chuan inthlanna felfai tak a neih ṭhin thu sawiin Dharmendra Sharma chuan, India rama state ralmuang ber a nih ang takin inthlanpui lo awm tur pawh thianghlim, felfai leh ralmuang taka neih a nih theih nan DEO leh SP-te chu hma la turin a chah.

He hunah hian DEO-te chuan kum 2018 inthlanpuia anmahni district dinhmun tlangpui (statistics) leh kumin inthlanpui lo awm tura an hmalakna hrang hrang leh harsatna an neihte an tarlang a; ECI hotute chuan ṭanpui an ngaihna laiah ṭanpui an tum thu an sawirualin, an duhkhawp lohna lai leh hmalak ngai laite DEO-te hi lo hrilh nghal a, DEO leh SP-te chu Election Manual and Instructions te ECI website-ah en fo turin an chah nghal bawk a ni.