Tlawng lui zawh chhuak

Dawrpui Adventure Club member pali chuan March 22, 2023 aṭang khan Lunglei district-a Sairêp rama Tlawng lui hnâr aṭangin Kolasib district-a Bairabi thleng Tlawng lui an zawh a, April 14, 2023 khan Bairabi an thleng. Tlawng lui an zawh hi lui zir chianna atan leh Tlawng luiin a paltlang khaw hrang hranga khawtlang hruaitute nena inlaichìnna ṭha siamna tura an tih a ni a; ke, lawng leh pûm hmangin lui an zawh a ni. April 14 khan Dawrpui Local Council bul tumin anmahni hmuahna hun hman a ni.