Minister-in chhuatphah thar a hawng

Minister Dr R Lalthangliana chuan April 15, Inrinni khan Hnahthiala Ropuiliani Hall-ah badminton court-a chhuatphah (carpet) phah thar a hawng a, Darzo khuaah Darbilhi Football Tournament khârna hun a hmanpui bawk.

R Lalthangliana chuan, kawlphethaa Hnahthial tlangdungin harsatna an tawh ṭhin sutkianna tur Chief Minister hnenah a thlen thu sawiin, SASCI aṭangin cheng vbc. 43 administrative approval a pek thu a sawi a, "Harsatna zual phuhrûk nan kumin financial year-ah cheng nuai 500 hman theih turin min pe a ni," a ti.

Chhimtuipui Darzo kaiah Chhimtuipui Kawlchaw lei aia sei zawk dawh tum a nih thu sawiin Minister chuan, "Central Border ministry aṭanga DPR leh revenue clearance tihfel vek tawh a ni a, Siaha, Lawngtlai, Hnahthial district leh Myanmar inkalpawhna kawng pawimawh tak a ni dawn a ni," a ti a; lei dawh tum chu truck lian tak tak insûlpelh theihna tura dawh tum a nih thu a sawi.