Ralthuam leh ruihhlo man a ni

Assam Rifles sipaite chuan April 15, Inrinni khan Zokhawthara Ṭiau lei bulah Lalrinsanga (24) s/o Hrangthantluanga, Dawrpui Vengthar, Aizawl nia inchhál hnen aṭangin ralthuam chi hrang hrang leh damdawi ruihhlo eng emaw zat, a vaiin Rs 1,05,885 hû an man.

Assam Rifles-te'n ralthuam an mante chu 12 gauge 70 mm cartridge 1,100, motorola headphone panga, bullet proof plate 12, bullet proof jacket 10 leh combat uniform pakhat a ni a; ruihhlo an man chu Alprazolam mum 14,625 a ni. Ralthuam leh ruihhlo an mante chu Zokhawthar Police Station-ah an hlan a ni.