Minister-in GMWA Day a hmanpui

Guwahati Mizo Welfare Association (GMWA) chuan April 15, Inrinni khan Assam Don Bosco University campus, Tapesia, Guwahati-ah GMWA Day an hmang a; minister Lalchhandama Ralte-in a hmanpui.

Lalchhandama Ralte chuan, GMWA member-te'n tlawmngai taka mi dang ṭanpui hna an lo thawh ṭhinna chu lawmawm a tih thu a sawi a, "Mizo welfare association a nih angin Zo hnahthlak hrang hrang Guwahati-a awmte lungrual taka insuihkhawmna páwl a nih theih zelna turin ṭan la ang che u," a ti a, hnam nun zia vawng nunga chawi lâr zel turin a chah bawk.

Minister Lalchhandama Ralte hian GMWA hnenah Rs 50,000 a hlan a; LESDE secretary Lalramsanga Sailo-in a ṭawiawm a ni.