NCPCR portal chungchang zirho

National Commission for Protection of Child Rights leh Mizoram Commission for Protection of Child Rights chuan nimin khan NCPCR portal chungchang zirhona an buatsaih a, Social Welfare minister Lalrinawma'n a hmanpui.

Lalrinawma chuan, naupang leh hmeichhiate hamṭhatna sorkarin a ngai pawimawh thu sawiin, "Dan ṭha tak tak sorkarin a siam a, dan awm sate ṭha taka lekkawh a nih theih nan mi tinin mawh kan phur. Dan bawhchhiate hrem an nih theih nan thuhretua ṭan ngam a pawimawh a, thu dik kan hria a nih chuan huaisen taka ṭawng chhuakin kan ṭang ngam tur a ni," a ti.

Zirhonaah hian NCPCR Legal Division head Katyayani Anand, MCPCR chairman Dr C Lalsangzuala, Dr LH Chhuanawma leh MHIP Chawlhhmun Branch president Ramchhanzuali te pawhin thu an sawi a ni.