Champhaia hnathawh tur enfiah

Minister of state TJ Lalnuntluanga, Champhai South bialtu leh Champhai North bialtu MLA Dr ZR Thiamsanga te chuan nimin khan Champhaia hmasawnna hna thawh turte an enfiah.

MLA pahnih hian parking siam theih dan tur te, Chhangphut Field-a zana inkhelh theihna tura eng (flood light) cheng nuai 150 sênga siam dan tur te, cheng nuai 400 sênga Zotlang leh Tlangsam inkar kawng double lane blacktop dan turte an enfiah a ni.