Kolasib District Jail dinhmun enfiah

Mizoram State Legal Services Authority member secretary R Vanlalena chuan nimin khan Kolasib District Jail a tlawh a; Jail-a táng awm thei zat, mipa leh hmeichhe táng zat te, táng mek zinga court-in bail a phalsak tawh, eng emaw harsatna vanga la chhuak thei lote dinhmun a enfiah.

Kolasib District Jail-ah hian mi 82 táng mekin, mipa 68 leh hmeichhia 14 an ni a, chu'ng zinga pali chu court-in bail a phalsak tawh, surety leh bail bond tihfel theih loh vanga la chhuak thei lo an ni. Bail phalsak tawh mi palite chu an chhuah thuai theih nan hmalak a nih tur thu R Vanlalena chuan a sawi.

MSLSA Member Secretary hi Kolasib District Legal Services Authority secretary Cacy Malsawmtluangi Ralte, chief judicial magistrate ni bawkin a ṭawiàwm a ni.