Tuichawng lei chimah mi 2 hliam

Lawngtlai district khawthlang lam, Vaseikai leh Longpuighat inkara Tuichawng lui lei chu nimin chawhma lam dar 11 rîk hma deuh khan a chim a, truck pakhat chimpuiin, mi pahnih an hliam a, mitthi an awm lo.

Thu dawn danin, Tuichawng lei hi tipper RJ-19GG 6135, ràwra phurin a zawh laiin a chim a, tipper-ah hian mi pahnih - driver Daran Singh leh handyman an chuang. Mi pahnihte hi an hliam a, BSF damdawi-inah hruai an ni a, an dinhmun a hlauhthawnawm lo. Vaseikai-Longpuighat kawng hi BRO enkawl a ni.

Tuichawng lei thar tur, tuna lei chim ta thlâkna tura a chhak lawka VIJ Engineering-in an dawh lai, ft. 100 vela sei pawh April 6, 2022 tlai khan a lo chim tawh a, hna thawka awm mek mi (hnam dang) eng emaw zat an lo hliam tawh a ni.