YCS/YSM NER Convention buatsaih

North Eastern Regional Youth Commission (NERYC) chuan March 17, Zirtawpni tlai aṭang khan St. Lawrence, Ramthar Vengah Young Catholic Students/Young Students Movement (YCS/YSM) North East Regional Convention an buatsaih a, India hmarchhak state pasarih aṭangin palai ṭhahnem tak an tel.

Hmarchhaka zirlai tleirawlte inkhawmpui hi March 17 tlai khan NERYC chairman leh Miao Diocese bishop Most Rev. PK George leh Aizawl bishop Most Rev. Stephen Rotluanga ten an hawng a; India hnam puanzar bakah, YCS/YSM flag pawh pharh a ni. India rama Catholic Ṭhalai Pawl National Youth director Fr. Chetan Macahdo

leh Regional Youth director Fr. John Barman te pawhin an hmanpui.

Inkhawmpuiah hian state tin tan stall siam a ni a, state tinin an hnam ziaráng leh ei turte an pho chhuak a, cultural programme buatsaih ṭhin a ni. Thupui thlan hmangin inzirtirna hun hman a ni a, exposure visit leh cultural exchange programme-te hman a ni bawk.

YCS/YSM North East Regional Convention-ah hian India hmarchhak biala Catholic diocese tin aṭangin kal thei chin bituk a ni a; nimin thleng khan hun an hmang a, vawiin hian palaite an haw dawn a ni.