Kolasib MJA leh DC inkâwm

Kolasib District MJA member-te chuan nimin khan Kolasib DC Dr H Lalthlangliana chu a pisaah an kâwm a; tun hnaia Mizoram leh Assam inrina hmun hrang hrang­a duty-te an tlawhnaa ramri veng-tute dinhmun an hmuh dan an sawipui.

Kolasib MJA-te chuan, ramria duty-te’n harsatna an tawh hrang hrang - leilehna tur bâwng lak luh kawnga harsatna te, inbiakpawhna lama harsatna awmte leh rél­in state páwna Mizo awmte an rawn phurh thlena lo dawnsawn dan­ah fel tâwk lo a awm nia khaw­tlang hruaitute'n an sawi­te Bawrhsap hnenah an hrilh a ni.

Bawrhsap Dr H Lal­thlangliana chuan, Kolasib district MJA-te thu thlente chu a theih ang anga bawhzui a tum thu a sawi.