HSLC pass-te lawmpuina hlân

Champhai South bial­tu MLA TJ Lalnuntluang­a, minister of state chuan nimin khan a bial chhunga Tuipui, Chhungte, Champhai Jail Veng, Kanan Veng leh Dinthar Venga HSLC exam-a pass-te lawmpuina a hlân. Lawmpuina thilpekte chu zirlai ṭhenkhat leh hruaitute kutah a hlan a, anni'n an lo pe chhâwng dawn a ni.

TJ Lalnuntluanga chuan, zirlai hlawhtlingte a lawmpui thu sawiin, "In kal zelna turah taima takin zir chhunzawm ang che u. Tuna beisei anga pass chiah lote pawh insit mai loin, ṭhahnemngai leh zuala ṭan la turin ka duh che u a ni," a ti a; ram leh hnam innghahna tur an ni tih inhria a, rilru nei ràna taima leh rinawm taka zir turin a chah.

Minister hian vawiin leh naktuk hian a bial chhunga zirlai hlawhtlingte lawmpuina a hlan leh dawn a; Myan­mar nena inrina Ṭiau lui kama ramri vengtute a tlawh bawk ang.