Covid-19 dan bawhchhia 4,660 man Sum chawi belhkhawm Rs. 10,30,300
The Mizoram (Containment and Prevention of Covid-19) Ordinance, 2020 hman ṭan hun, May 4, 2020 aṭanga nimin zing dar 9 thleng khan Covid-19 Ordinance bawhchhia mi 4,660 man an ni tawh a, mante sum chawi belhkhawm chu Rs. 10,30,300 a ni.
Police tarlan danin, May 17, Pathianni zing dar 9 leh nimin zing dar 9 inkarah khan The Mizoram (Containment and Prevention of Covid-19) Ordinance, 2020 Section 4(1) - vantlang hmuna hmai tuam loa chhuah khapna bawhchhia mi 123 man niin, police man 91 leh local task force man mi 32 an ni a, an sum chawi zat chu Rs. 12,300 a ni.
Section 4(2) - social distancing kaihhruaina zâwm lo mi 50 man niin, police man vek an ni a, an pawisa chawi zat chu Rs. 10,000 a ni. Police-in vantlang hmuna chil chhâk mi pakhat manin, Rs. 300 an chawitir a; dana bung dang hrang hrang bawhchhia police-in mi 34 leh task force-te'n mi pali, an vaiin mi 38 an man a, an sum chawi zat chu Rs. 38,000 a tling.
Pathianni zing dar 9 leh nimin zing dar 9 inkara The Mizoram (Containment and Prevention of Covid-19) Ordinance, 2020 bawhchhia man zawng zawng chu mi 212 (police-in mi 176 leh task force-in mi 36) an ni a; sum chawitir belhkhawm chu Rs. 60,600 a ni.
District tina man tawh zat
(May 18, - 9 a.m. thleng)
Aizawl 2,444 Rs. 5,64,100
Lunglei 330 Rs. 99,500
Siaha 254 Rs. 37,700
Champhai 208 Rs. 51,400
Kolasib 64 Rs. 6,600
Serchhip 321 Rs. 59,800
Lawngtlai 288 Rs. 30,300
Mamit 100 Rs. 28,700
Saitual 289 Rs. 77,200
Khawzawl 58 Rs. 6,800
Hnahthial 234 Rs. 23,600
Traffic police 70 Rs. 62,600
TOTAL 4,660 Rs. 10,30,300