Lunglei Fire Station hnenah chawimawina

Nimin khan Vijyan Bhavan, Delhi-ah '3rd Session of National Plat-form for Disaster Risk Reduction' (NPDRR-2023) neih a ni a, Lunglei Fire Station hnenah 'Subhash Chandra Bose Appda Prabhandan Puraskar Awards 2023' hlan a ni.

NPDRR-2023 hi prime minister Narendra Modi-a'n a hawng a, Home minister Amit Shah, Home minister of state Nityanand Rai te pawh an tel.

Hawnna inkhawmah hian India rama mahni hnathawhnaa inpe, huaisen leh thawk ṭha chawimawina, Subhash Chandra Bose Appda Prabhandan Puraskar Awards 2023 sem a ni a; April 2021-a Lunglei khawpuia ram kâng ṭhelh tuma an chet dan avangin Lunglei Fire Station hnenah chawimawina hlan niin, Fire & Emergency Services director Lalzahngoa leh SP Francis Lalnuntluanga Ralte ten Prime Minister hnen aṭangin an dawng.

Chawimawina hian thuchei leh cheng nuai 51 a keng a; a hlanna hunah hian kum 2021-a Lunglei ram kâng chungchang video tâwi tihchhuah a ni. Chawimawina hlannaah hian Mizoram Homeguards commandant general cum director Zosangliana Hualngo leh Disaster Management & Rehabilitation deputy secretary Lalrinawma Traite te an tel bawk.