Rs 27,77,585 hû thubuai chingfel

Mizoram State Legal Services Authority (MSLSA) chuan nimin khan Aizawlah Lok Adalat an huaihawt a; awlsam zawk leh sum leh pai sen ngai loa thubuai rem tumin thubuai eng emaw zat an ngaihtuah a, Rs 27,77,585 hû thubuai an chingfel.

Lok Adalat ṭhutkhawmah hian leiba rulh theih loh thubuai, maintenance, chhungkaw thubuai, labour dispute leh loan rulh theih loh thubuaite ngaihtuah a ni a, a vaiin thubuai 108 rêl a ni. Thubuai zinga eng emaw zat chu an chingfel a, an chinfel thubuai hlut zawng chu Rs 27,77,585 a tling.

State Legal Services Authority hian a khát tâwkin Lok Adalat a huaihawt ṭhin a, district tina District Legal Services Authority-te leh High Court Legal Services Committee pawhin an huam chhungah Lok Adalat an neih ṭhin bakah, a ṭul dan azirin mobile Lok Adalat pawh huaihawt ṭhin a ni bawk.

Nimina Lok Adalat-ah Mizoram Law College-a LLB zirlai 62 chuan internship tiin an ṭhu ve a ni.