Test tharah mi 19-in Covid-19 an vei lo

Zoram Medical College (ZMC) Covid-19 Laboratory-ah nimin khan mi 22-te swab sample endik a ni a, mi 19-te result chhuak tawhin, hripui an vei lo vek a; mi dang pathum result nghah mek a ni. May 16, Inrinnia endik zinga pahnihte pawhin hripui an vei lo tih nimin khan finfiah a ni.

State Referral Hospital (SRH)-ah nimin khan damlo pakhat admit niin, Risk Ward-ah dah a ni a, vawiinah a swab sample endik a ni ang. SRH-ah hian mi (patient) 14 an awm mek a, Risk Ward leh SARI Ward-ah pahnih ve ve, Make Shift ICU Ward-ah pakhat leh Holding Ward-ah mi pakua an awm mek a ni.