KHAWTHLIR

Doctor 522 awm
Health & Family Welfare minister Dr R Lalthangliana chuan MNF member Dr Vanlalṭanpuia zawhna chhangin, sorkar term kal mekah doctor 160 lâk belh an nih tawh thu Assembly House a hrilh a, "Tun dinhmunah Mizoramin doctor 522 a nei," a ti.

Tel turin hriattir
GAD chuan thuchhuah siamin, Mizoram sorkarin February 20, 2023 khian Vanapa Hall-ah State Day a lawm dawn tih a tarlang a, State Day lawmnaah gazetted officer chin chung lamte chu tel ngei tura sâwmin a hriattir. State Day lawmna hi chawhma dar 11-ah ṭan a ni ang.

Hmanrua hlan
Every Infant Matters, New Delhi aṭanga dawn, zirna atana hmanraw hrang hrangte chu nimin khan Mamit district bawrhsap Lalnunhlua'n Mamit district-a sikul panga hnenah a hlân.

Minister-in hlân
Ṭawi bialtu MLA R Lalzirliana, minister chuan nimin chawhnu khan Armed Veng community hall-ah a mamawhte tana hman turin Ṭawi biala YMA branch 18 hnenah Formosa Foundation kaltlangin oxygen concentrator a hlân a; Saitual Hospital leh Thingsulthliah Primary Health Centre hnenah mobile ventilator a hlân bawk.