Governor-in khaw fai lawmman a hlân Fai ber - Khawzawl, Ngopa, AMC Ward XVI

UDPA department-in nikuma Mizorama khaw fai intihsiakna a buatsaiha khua/veng fai thlante hnenah nimina Lammuala Republic Day lawmnaah lawmman hlan a ni a; fai berah Khawzawl, Ngopa, AMC Ward XVI-te thlan a ni.

Mizoram Cleanliness Competition 2022-ah hian nikum lam khan endiktu atana ruatte chu Aizawl khawpui chhung leh khawpui tinah kalin, a hmun an endik a; an endikna aṭanga lawmman dawng tura thlante hnenah Governor Dr Hari Babu Kambhambati-a'n a hlân a ni.

Intihsiaknaa Category-I, Aizawl khawpuia Aizawl Municipal Corporation ward zingah Ward-XVI chu pakhatna a ni a; Ward XVI-ah hian Bethlehem Veng, Bethlehem Vengthlang leh College Vengte an awm. Category-II, district khawpui zingah Khawzawl chu pakhatna an ni a; Category-III, district khawpui ni lo khawpui dang (UDPA department-in town-a a puan) zingah Ngopa chu pakhatna a ni bawk.