Tuirini HEP siam tumna a hlawhtling lo

Power & Electricity department chuan Tuirini Hydro Electric Power project siam tumin hma la mah se, thuneitu lamah duh lo an awm avangin a hlawhtling lo.

Vanglaini thu dawn danin, Tuirini HEP siamna atan loan pûk tur zawn a ni a, cheng vbc 400 tling lo deuh pûk tur hmuh a ni. Mizoram sorkar tum ve tur chu cheng vbc. 93 a ni a, kum li chhungin pektlak tur a ni.

Loan chu Tuirial HEP-in sum a thawh chhuah hmanga rulh tura ruahman a nih avangin kum li hnuah loan chu rulh tur a ni a; eng emaw avanga HEP siam zawh theih a nih loh chuan, thla 9 dang hun pek belh theih a ni bawk.

Mizoram sorkarin Tuirini HEP atana loan lâk tur a hmuh avang hian Ministry of New & Renewable Energy chuan HEP hmunhma tur cheibâwl lâwk deuhna atan Mizoram sorkar pek tur a tihfel hman a; mahse, thuneitu sang zawk lamah duh lo an awm avangin loan leh MNRE aṭanga sum hmuh tur chu lak a ni lo. Loan hi Congress sorkar laia buaipui ṭan tawh a ni.