Auto rickshaw permit pek chhuah dem

Kolasib Auto Rickshaw Driver’s Union (KARDU) chuan thuchhuah siamin, tun hnaiah sorkarin Kolasib district-ah auto rickshaw permit 172 a pek chhuah chu an dem thu an tarlang a; permit pek tharte chu an member-ah an la lut thei tawh lo tih an puang.

KARDU chuan Kolasib district leh khawpui tana Mizoram sorkarin auto rickshaw permit a pek chhuah belh zel chuan eizawnna an intichhiat tawn dawn avang leh stand-ah harsatna lian tak an la neih dawn avangin permit 100 pek chhuah duh lohna press release January 27, 2022 khan an siam tawh tih an tarlang a ni.

Press release an siam hnu leh auto rickshaw permit pe chhuak tawh lo tura bialtu MLA hnena ngenna an thlen hnuah pawh kumin May leh September thlaah permit 172 pek chhuah leh a ni tih an tarlang a, "Permit hmu tharte hi KARDU member-ah kan la thei tawh dawn lo a, auto permit hmute pawh KARDU member-te’n an khalhsak thei tawh dawn lo a ni," an ti.

KARDU chuan, auto rickshaw permit hralh chu dan phal loh a nih avangin a tàwp thlenga an dodal zel dawn thu an tarlang bawk.