Pu Buanga Award hlân

Mizo Academy of Letters Joint Headquarters, Lunglei chuan nimin khan Lunglei Art & Culture Auditorium-ah Pu Buanga Award hlanna inkhawm an buatsaih a, minister C Lalrinsanga'n hmanpuiin, Prof. RL Thanmawia hnenah Pu Buanga Award a hlan.

Pu Buanga Award hi thu leh hla lama sûlhnu nei ṭhate hnenah kum 2000 aṭangin kum nga danah pek ṭhin a ni a, kum 2015 aṭangin kum thum danah pek ṭhin a ni.

Award hi Lalsangzuali Sailo, B Lalthangliana, Prof. Laltluangliana Khiangte, Lalthangfala Sailo leh RK Lalhluna te hnenah hlan a ni tawh a; trophy, certifi cate leh Rs 10,000 a keng.