Police-in kuhva leh ramsa tawlh rûk man

Mamit police-te leh Hachhek Areca Nut Association chuan September 26, Thawhṭanni khan Kawrthah leh Kanhmunah Myanmar aṭanga dan loa kuhva rah tawlh rûk ip 187 (kg. 14,960) leh kuhva rah phurhna lirthei paruk an man. Kuhva rah an man hi cheng nuai 32 man a ni.

Kolasib district-a Saiphai Police Outpost-a duty-te pawhin September 25, 2022 zan khan lirthei pakhat aṭangin dan loa tawlh rûk ramsa chi 19 (exotic wildlife species) an man a; lirthei khalhtu Birhan Uddin Laskar (24), Channighat, Cachar, Assam leh a thurualpui pathum - Kamal Hussain (34), Karimganj, Abdul Ruf (25) leh Niaz Hussain (21) Bagha Bazar-te an man bawk.

Ramsa mante chu - hauhûk paruk, zawng tê chi pathum leh ramsa bawkvâk chi (reptile) chi hrang hrang 10 a ni a, Customs department hnenah hlan a ni.